Esmeraldo kjem frå organisasjonen MST i Brasil og han skal til saman bu ti månedar i Guatemala. Her fortel MST-aktivisten om korleis det er å vere MSTar på utlån til Conavigua og CUC.
Er det nokon erfaringar frå sør sør-brigaden som du ønskjer å dele? -Sør sør-utvekslinga er ein unik moglegheit til å utveksleg erfaringar mellom ulike organisasjonar. No som me er her i Guatemala ser me at kampen ikkje er så ulike den kampen me fører heime. Tilgangen til jord, kontroll over naturresurssar og brot på menneskerettane er både ei utfordring her i Guatemala og heime i Brasil. Staten blir styrt av og jobbar for ein elite som hindrar oss i å få tilgang til det me har rett på. Utvekslinga er veldig nyttig fordi me lærer mykje som enkeltpersonar og også mykje om andre måtar å organisere seg på gjennom møta med andre organisasjonar.
Er det noko som har gjort særleg inntrykk her i Guatemala? -Det som har gjort mest inntrykk på meg medan eg har vore her i Guatemala er marsjen for vassrettar. Eg hadde aldri vore med på noko slikt før, så mange folk som gjekk saman over fleire dagar. For meg var det utruleg interssant å vere med på dette. Under marsjen vart det klart for meg at tilgang på vatn ikkje berre er eit problem i Brasil, men at dette er noko som ein ser i heile Latin-Amerika.
Korleis kan du bruke det du har lært på brigade når du kjem heim? -Brigaden har styrka meg personleg og arbeidet eg kan gjere for MST når eg kjem heim til Brasil. I tillegg styrkar brigaden banda mellom organisasjonane her i Guatemala og heime i Brasil. For MST er desse banda veldig viktige. Eg har fått eit nytt perspektiv på verda. Mine politiske analyser er ikkje lenger nasjonale, dei er internasjonale.