Julieth kjem frå bondenettverket CNA i Colombia. Her fortel ho om sine erfaringar frå opphaldet i dei guatemalanske grasrotorganisasjonane.
Kvifor byrja du å jobbe med CNA? -Eg er medlem i ein lokal organisasjon som er med i CNA-nettverket. Organisasjonen min heiter Paocos productores de abono orgánico compostado, me jobbar med produksjon av organisk gjødsel. Foreldrene mine er også medlemmer i denne lokale organisasjonen. I 2011 vart organisasjonen min ein del av CNA-nettverket.
Er det nokon erfaringar fra sør sør-brigaden du ønskjer å dele? -Før eg reiste til Guatemala hadde eg eit ønske om a lære meir om korleis organisasjonane jobba og å bli kjent med den guatemalanske kulturen. No kjenner eg at utvekslinga har gitt meg mykje meir enn dette, og eg kjenner meg som ein del av kampen her i Guatemala, men også internasjonalt. Når ein lærer om kampane i dei ulike landa identifiserer ein seg med desse kampane, og landegrensene blir ikkje lenger så viktige.
Er det noko som har gjort særleg inntrykk her i Guatemala? -Det som har gjort særleg inntrykk på meg er kampen om jorda, og det arbeidet CUC og Conavigua gjer på dette omradet. I tillegg beundrar eg det arbeidet dei gjer for å fremje kulturen og identiteten sin som urfolk. Livet her i Guatemala og heime i Colombia er ikkje sa ulikt. Det neoliberale systemet er globalt, og me kjempar alle dei same kampane, sjølv om konteksten og landet er ulikt.
Er det noko du ønskjer a seie til LAG og våre aktivistar? -Eg er veldig takknemleg for moglegheita til a dra på denne utvekslinga. Det er verkeleg ein draum som har gått i oppfyllelse. Det er fantastisk at me kan bli kjente med andre land og andre kampar, og at de jobbar saman med oss på denne måten.